ماشین و ئاسن لە گرنگترین هاوردەیل عراقە لە یابان

شەفەق نیوز/  کەرەستەیل " ماشین و ئاسن" لە هەرە گرنگترین هاوردەیل عراق لە یابان دانریەێد لەماوەی ساڵ 2021 وەگورەی ماڵپەڕtrademap ک نەخشەی بازرگانی هەناردەکردن و هاوردەکردن و داواکارەیل ناودەوڵەتی و بازاڕەیل جایگوزین و بازاڕەیل رکابەری وڵاتەیل دابەین کەێد.

ماڵپەرەگە لە ئاماریگ لەبان سایتەگەی ک ئاژانس شەفەق نیوز دیەسێ باس کەێد،" عراق لەماوەی ساڵ گوزەشتە ـ24 کەرەستەی سەرەکی لە یابان هاوردەکردن و بڕە خەرجەگەی رەسێدە 424.865 ملیۆن دۆلار"، وتیش" گەشەی هاوردەکردنەیلی لە یابان بەرزەوبویە وە رێژەی  9% لە ناونی ساڵەیل 2017 تا 2021".

وتیش"ماشین وە پلەی یەکەم تیەێد لە هاوردەیل عراق لە یابان وە بڕ270 ملیۆن دۆلار، لەدویای ئەوە ئاسن و پووڵا وە بڕ دارایی 71 ملیۆن دۆلار، ئامێر و کەرەستەیل کارەبایی وە بڕ 23.5 ملیۆن دۆلار و دویای ئەوە دەزگایل میکانیکی وە بەهای 17.5 ملیۆن دۆلار".

ماڵپەڕەگە دیاریکرد" هەناردەکردن عراق ئەرا یابان رەسیەس

 229.681 هەزار دۆلار، وتیش ک  "هەناردەکردنەگە وە رێژەی  39% داوەزیایە لەناو ساڵەیل 2017 ئەرا 2021".

باسکرد"هەناردەیل عراق ئەرا  یابان  وە تەنیا  لە سێ کەرەستە خەسەوبویە ئەویش سوتەمەنی و کانزایی و بەرهەمەیلی وە بڕ 229.548 هەزار دۆلار، دویای ئەوە فۆتۆگرافی و بینایی وە بڕ 81 هەزار دۆلار".