لەوەر "پێەڵ پەرینەوە".. خوەنەوارەیل زانکۆ لە دیالە خوەنیشاندان کەن
2024-03-12T07:59:58+00:00
شەفەق نیوز/ دەیان خوەنەوار زانکۆی بیلاد رافیدەین لە شار بەعقوبە، ئمڕوو سێشەممە، گردەوبوینیگ خوەنیشاندان رێکخستن لەوەر دروسنەکردن پەیلیگ پەرینەوە و گیانیان کەفێدە وەر مەترسی لەوەر رویداوەیل تلانن.
سەر چەوەیگ ئەمنی وە ئاژانس شەفەق نیوز وت، "خوەنەوارەیل لەدویای مردن هاوڕیەگەیان گردەوبوین کە وە رویداو تلانن مەوقەی رەدبوین لەبان رییگ لەنزیک ناوبڕ قودس لە بینایگ ئەرا یەکیگتر گیان لەدەسدا".
وتیش، " زانکۆگە لە دوو بینا پێکهاتیە هەریەکەو لە لایگ ریەگەس خوەنەوارەیل ناچارن وە ریکردن هاتوچوی لەناوەین بینایەیل بکەن لەوەر تەواونەکردن پیەڵ پەرینەوە ئەرا ماوەی چەن مانگیگە".
