گلەوخواردن کاروانەیل ئاسمانی لە گشت فڕۆکەخانەیل عراق

شەفەق نیوز/ فڕۆکەخانەیل عراق، ئمڕوو دووشەممە، دووارە دەسکردنە کاروانەیل ئاسمانییان، دویای وسیانیان ئەرا چەن ساعەتیگ لەوەر ئەو خوەڵوارانە ک وڵاتەگە گردەوەر. 

ئیدارەی فڕۆکەخانەی ناودەوڵەتی بەغداد لە بەیاننامیگ رەسیە ئاژانس شەفەق نیوز ئاگادار گەشتیارەیل و کۆمپانیایل فڕۆکەوانی لە فڕۆکەخانەگە کرد وە گلەوخواردن جویلەی کاروانەیل ئاسمانی لە فڕۆکەخانەگە،  و رەسین ئاست نووڕستن ئەرا ٦٥٠ مەتر، دویای وسیانی لە شەوەکی ئمروو لەوەر خوەڵوتوزەگە.  

هەمیش فڕۆکەخانەی نەجەف و هەولێر کاروانەیل ئاسمانییان گلەودان.