لە هەفتەی ئایندە شەپوولیگ واران وارین روی لە عراق کەێد
2024-04-25T10:38:19+00:00
شەفەق نیوز/ کەشناس عەلی جابر زیادی، مڕوو جومعە، خەوەردا کەشوهەوایگ واراناوی و ناجیگیر لە ماوەی هەفتەی بانان عراق وەخوەی دوینێد.
زیادی وە ئاژانس شەفەق نیوز وت، "مەزەنەیل نیشان کەن ئەرا دروسبوین واران و کەشوهەوای ناجیگیر دەسکەێد وە هاتن ئەوریگ واراناوی سوکیگ وە شیوەی کەمەکەمە لە ئیوای رووژ یەکشەممەی ئایندە لە بەشەیل خوەرئاوای وڵات و لە رووژ دووشەممە فراوانەو بوود، حالەتەگە و تونی وارانەگە زیاترەو بوود لە رووژ سێشەممە، تا کتایی هەفتە وەردەوام بوود".
وتیش؛ "لە فرەیگ لە شارەیل وارانە باوجی لە شوینیگ ئەرا شوینیگ ترەک جیاوازە حالەتەگە وەهارەس پێکتێد لە بەشەیل خوەرهەڵات و ناوچەیل باکوور و بەشەیلیگ لە ناوڕاس و باشوور وڵات کە رویوەروی واران وارین ناوڕاس تا تونیگ بوون".
