لە ناڕەزایەتییان لەبان بڕیارەیلیگ حکومەتی.. شۆفێرەیل ماشین بارەگان ری مووسڵ- هەولێر بڕن (وێنە)
شەفەق نیوز/ سەدان لە شۆفێر ترێلەگان، ئمڕوو یەکشەممە، ریەگەی مووسڵ- هەولێر لەلای خاڵ شەهید سەبهان لە خوەرهەڵات مووسڵ وە ماشینەیلیان بڕین، لە ناڕەزایەتییان لەبان بڕیارەیل حکومەت خۆجێی لە نەینەوا لە دیاریکردن وەختەیلیگ ئەراک وەناوچگن مووسڵیان لە ساعەت ٨ ئێوارە تا ساعەت ٦ شەوەکی.
بڕیار حکومەت خۆجێی لە نەینەوا هیشت هەزاران لە ترێلەگان لەناو مووسڵ پەنگەو بووەن لەوەر هەسی تەنیا پوڵیگ.
لەلای خوەییش نەجم جبوری جینشین پارێزگار نەینەوا ئەرا ئاژانس شەفەق نیوز وت: شارەگە ئی ژمارەی گەورا لە ترێلەگان هەڵنێگرێد و بایەدە لە ساعەتەیل شەو بانە ناو، چوونکە قەڕەباڵغ گەورایگ لەناو شارەگە دروس کەن بیجگە رووداوە هاتووچوەگان.
جبوری ئاماژە کرد ک گرفتەگە هالای پوڵەگان، وفرەی ترێلەگان وەرەو پارێزگایلیگ تر چن نەگ مووسڵ وەتەنیا، و هەرکە بار وەرەو پارێزگایگ یا شاریگ تر دیرێد بایەدە وەڕیبگ تر بچوود تا گرفت پوڵەگان تەواو بوود
