لە ماوەی یەک مانگ 2000 ئێزیدی کووچ کەێد
شەفەق نیوز/ دامەزراو "لوتکە" ئەرا کاروبار کووچبەرەیل هەرێم کوردستان و گشت عراق، ئمڕوو چوارشەممە راگەیان، زیاتر لە 2000 کەس لە ئاین ئیزیدی لە عراق کووچ کردنە ئەرا وڵاتەیلتر لە ماوەی مانگ ئاب ئمساڵ 2022.
دامەزریاگە لە راپۆرتیگ ک ئمڕوو بڵاویکرد راگەیان، زیایبوین کووچکردن و پەنابەری لە عراقەو ئەرا وڵاتەیلتر، هەمیش کووچکردن لەمابەین ئێزیدیەیل زیایەوکردیە ک وە هەر هووکاریگ بوود لە عراق کووچ کەن.
وەپای زانیاریەیل دامەزریاگ لوتکە زیاتر لە 200 ئیزیدی لەماوەی مانگ ئاب کووچکردنە و عراق وەجیهیشتنە.
و وەگەرد ڕاپۆرتەگە وینەی ئیزیدی کووچبەرەیلە گریاگە ک چەوەرێ کەب بچنە ناو کامپ پەنابەرەیل کەن لەناوچەی "سیریس" لە باکوور یۆنان ک ماوەی دوو هەفتەس گیرکردنە.
لە 3 ئۆگەست ساڵ ٢٠١٤ ئەندامەیل رێکخریاگ تیرۆرستی داعش پەلاماریگ دڕندانە ئەنجامدان وەبان قەزای شەنگال بویە هووکار ئاوارابوین هەزاران ئێزیدی رویوەروی تاوانیگ بوین ک نەتەوە یەکگرتگەیل جینۆساید ناوی نان، ک کوشتن وسەربڕین دەسدرویژی سێکسی وەبان ژن و دوێتەیل گردەخوەێ.
