لە سێدارەداین داعشیگ کە دوو ئەفسەر لە سوپای عراقی کوشتیە لەدویای رفاننیان

شەفەق نیوز/ ئەنجومەن دادگای باڵا، ئمڕوو چوارشەممە، ەوەردا دادگای باڵای تاوانەیل زیقار دوو سزای لە سێدارەداین دەرکرد ئەرا ئەندامیگ سەر وە رێکخریاگ داعش وە تاوان کوشتن دوو کەس لە سوپای عراقی لە ساڵ 2014 وە هووکار تیرۆرستی.

ناوەن راگەیانن ئەنجومەنەگە لە بەیاننامەیگ راگەیان، "تاوانبار سەر وە تیرۆرستەیل داعشە، کارەیل رفانن و کوشتن دوو ئەفسەر کە لە وەزارەت وەرگیری کارکردنە ئەنجامدایە، یەکیگیان پلەی موقەدەم روکن و ئەوەکەش پلەی ملازم بویە لە پارێزگای نەینەوا/ قەزای حەمدانیە".

وتیش "هەردوو سزاگە وەپای بڕگە مادەیل دویەم / 1/ 3/ 5 / 8 وە بەڵگەی مادەی چوار /1 لە یاسای دژە تیرۆر شمارە   13 ساڵ 2005 هاتیە".