لە دوو پارێزگای عراق.. دەسگیرکردن دوو بکوش وە وەختیگ پەیمانەیی
وەزارەتەگە لە بەیاننامەیگ رەسیە ئاژانس شەفەق نیوز وت: هیزیگ لە لیوای شانزە فیرقەی دویەم پولیس فیدڕاڵی، توەنست توومەتباریگ وە کوشتن ژنیگ لە تەمەن ٥٣ ساڵە، لەناو بینایگ تەوانەکریاگ لە گەڕەک عامل لە بەغداد پایتەخت دەسگیر بکەێد.
دیاری کرد بکوشەگە وە لویلەی ئاسن داس لە بان سەر ژنەگە و کوشتیە، و لە دویای رەسین زانیاری لە پەیاکردن تەرمەگە، دەسکریا وەشکین، و توەنستن وە وەختیگ پەیمانەیی زانیاری کردوو بکەن و دویای مینەکردن و نووڕستن کامیرایل چەودیاری تاوانکارەگە دەسگیر بکەن، و دریا دەس لایەنەیل پەیوەندیدار.
هەرلیوا، وەڕیەوبەرایەتی راگەیانن پولیس پارێزگای موسەنا وت: ئاگاداری رەسیە بنکەی پولیس خزر وە مرافەیگ و تاوان کوشتن لە یەکیگ لە ناوچەیل نیشتەجیبوین، و روی وەرەو شوین رویداوەگە کریا، و دەرکەفت تاوانکارەگە تاوان کەسیگ کوشتیە و وایە.
دیاری کرد ک دەوریەیل پولیس خزر و بەش دژە تاوان کەفتنە مبنەی تاوانکارەگە، و وە وەختیگ پەیمانەیی توەنستن دەسگیری بکەن، و دویای لێکۆڵینەوە وە زوان خوەی ئاشکرا کرد ک کەسیگ سیێم دەسی ها ناو تاوانەگە، و لە خود رووژەگە ئەویش دەسگیر کریا.
