لە دوو پارێزگا...سەگیگ بوودە مدوو رویداو هاتوچو سەختیگ و فەلافل کۆتایی وە ژیان گەنجیگ تیارێد
سەرچەوەیگ ناوخوەیی لە سەڵاحەدین وە ئاژانس شەفەق نیوز خەوەردا، سەگ وەرەلایگ بویەسە هووکار رویداویگ هاتوچو لەبان ری قەزای بێجی لە باکوور خوەرئاوای سەڵاحەدین و لە ئەنجام دوو ماشین لەیەکەودانە 3 مەدەنی زەخمدار بوین.
وەپای سەرچەوەگە، سەگەگە لەناکاو لە وەردەم رانندەگە دەرچگە لە نزیک (حەجاج) لە باشوور قەزای بێجی، بویەسە هووکار ئەوەگ رانندەگە کۆنترۆل لە دەس بدەێد لەبان مشینەگە و وەرەو ئاراستەی رێڕەو دویەم دەربچێد لەیەکەوبدەێد وەرد ماشین "کۆرولا"، لەئەنجام رانندەی ماشینەگە و ژن و پیاویگ لەناو ماشین "کۆرولاگە" زەخمداربوین.
دیاریکرد زەخمدارەیلە ئەرا خەسخانەی بێجی کلکریانە و دەسڵاتدارەیل هاتوچو لێکۆڵینەوە لە رویداوەگە وازکردنە.
لە کەرکوک، گەنجیگ لە دویای خواردن سەندویچیگ (لەفەی فەلافل) لە یەکیگ لە چێشتخانەیل کەرکوک گیان لە دەس دەێد.
سەرچەوەیگ ناوخوەیی لە کەرکوک وە ئاژانس شەفەق نیوز خەوەردا، تا ئیسە ئەو چێشتخانەیە دیار نییە کە بویەسە مدوو مردنی دەسڵاتدارەیل پەیوەنیدار هانە مینەکردن چێشتخانەگە کە لە دویای مردن گەنجەگە نەزانریاگە لە کەم چێشتخانە سەندویج خواردیە.
