لە بەغداد و کەرکوک.. زەخمداری چوار کەس وە چەقووکیشان و پەلاماریگ
شەفەق نیوز/ دوو سەرچەوەی ئەمنی، ئمڕوو جمعە، خەوەردان لە زەخمداری ٤ کەس لە ئەنجام چەقووکیشان و پەلاماریگ وەبان کابرایگ موەلیدەی کارەبا خەێدە کار، لە دوو رویداو جیاجیا لە بەغداد و کەرکوک.
سەرچەوەیگ لە بەغداد ئەرا ئاژانس شەفەق نیوز وت: وەردەوەردەیگ کەفتە ناوەین چەن کەسیگ لە ناوچەی غەزالیە رەسیە چەقووکیشان، کە بویە هوکار زەخمداری ٣ برا یەکیگیان فەرمانبەر مەدەنیە لە وەزارەت ناوخۆ.
وتیش: زەخمدارەیل ئەرا خەسەخانە بریان و ئەوەکان وەرەو شوین نادیاریگ واین.
هەرلیوا، سەرچەوەیگ ئەمنی لە کەرکوک ئەرا ئاژانس شەفەق نیوز وت: دو. چەکدار چەقوو وەدەس، شەفەق ئمڕوو، پەلامار کتبرایج دانە مولیدەی کارەبا خەێدە کار لە گەڕەک نەسر نزیک خەسەخانەی نەسر ناوڕاس کەرکوک، کە دوو کەس دەمپیچیاگ وە دەوانچە و چەقوو زەخمدار ئەو کابرا کردن.
سەرچەوەگە وتیش: زەخمدارەگە ئەرا خەسەخانە بریا و پولیس لێکۆڵینەوە ئەرا رەسین وە بندروس رویداوەگە واز کرد.
