لە بەسڕە.. هێزەیل لە نەجەف 5 بازرگان مادەی هووشبەر دەسگیرکەن و مردن کراکاریگ لە کۆمپانیای چینی
2024-07-27T17:53:49+00:00
شەفەق نیوز/ سەرچەوەیگ ئەمنی لە پارێزگای بەسڕە، ئمڕوو شەممە، خەوەردا هێزە ئەمنیەیل لە دەێشت پارێزگاگە 5 بازرگان مادەی هووشبەر دەسگیرکدنە وە ئۆپراسیۆنیگ جویری.
سەرچەوەگە وە ئاژانس شەفەق نیوز خەوەردا، "هێزە ئەمنیەیل سەر وە فەرماندەیی پۆلیس پارێزگای نەجەف ئەرکیگ ئەمنی جیەجیکردنە لە شار بەسڕە، وەپای زانیاریەیل لێکۆلینەوەیل پێشینە وەرد بازرگانە دەسگیرکریاگەیل لایان، توەنستنە 5 بازرگان مادەی هووشبەر دەسگیربکەن وە یەک کیو مادەی هووشبەر کە هەڵگردبوین ئەرا گواستنەوەی ئەرا نەجەف".
لەلایگترەک سەرچەوەگە وت، " کراکاریگ چەودێر کە لە کۆمپانیای هایلونک چینی کارکەرد لە یەکیگ لە کێڵگە نەفتیەل باکوور پارێزگاگە،گیان لەدڵسدا لەدویای ئەوەگ کەفێد ناو بوڕی ئاسنین لە مەوقەی کارکردن لە تاوەر 101 نەفتی، تەرمەگەی ئەرا پزیشک دادوەری کلکریا و لێکۆڵینەوە لە رویداوەگە وەردەوامە ئەرا زانیین چۆنیەتی رویداوەگە".
