له‌ په‌لاماريگ چه‌كدارى له‌ناو"چايخانه‌"يگ له‌ باشوور سه‌ڵاحه‌دين چه‌ن كه‌سيگ كوشيان

شه‌فه‌ق نيوز/ سه‌رچه‌وه‌يگ له‌ پۆليس عراقى، ئاشكراى كوشيان چه‌ن كه‌سيگ كرد له‌ئه‌نجام په‌لاماريگ چه‌كدارى ك له‌لايه‌ن كه‌سه‌يليگه‌و بويه‌ گومان ئه‌كريه‌ێد سه‌ر وه‌ ريكخرياگ تيرۆرستى داعش بوون ك چايخانه‌يگ له‌ناو وازيگايگ تووپان له‌ باشوور پاريزگاى سه‌ڵاحه‌دين كرده‌سه‌ ئامانج.

سه‌رچه‌وه‌گه‌ له‌و باوه‌ته‌و ئه‌را شه‌فه‌ق نيوز وت: ئه‌و چه‌كداره‌يله‌ دويه‌شه‌و ديره‌ وه‌ختيگ چايخانه‌يگ له‌ ناحيه‌ى ئسحاقى له‌ باشوور پاريزگاى سه‌ڵاحه‌دين كردنه‌سه‌ ئامانج.

جى باسه‌، سه‌رچه‌وه‌گه‌ هه‌ميش وت: له‌و په‌لاماره‌يله‌ ك له‌و چايخانه‌ ئه‌نجام درياگه‌ له‌لايه‌ن چه‌كداره‌يله‌و وه‌لاى كه‌مه‌و له‌تى سێ كه‌س جوور ئه‌نجامه‌يل سه‌ره‌تايى كوشيانه‌.