له ناونيان خانه‌قين و مه‌نه‌لى.. 8 يه‌كه‌ى ئدارى له دياله كۆرۆنا سفر كرد
2020-06-08T10:47:08+00:00
شه‌فه‌ق نيوز/ سه‌رچه‌وه‌يگ پزيشكى له دياله، ئاشكراى ئه‌وه كرد گشت حاڵه‌ته‌يل تويشبوين وه ڤايرۆس كۆرۆنا ته‌ركيز كريامه له چوارچيوه‌ى ناوچه‌يل نزيك له به‌غدا و ئاماژه وه‌يه‌يش كرد 8 يه‌كه‌ى ئدارى به‌تاڵ بوينه له ڤايرۆسه‌گه.
ئه‌و سه‌چه‌وه ئه‌را ئاژانس شه‌فه‌ق نيوز وت: 90% له تويشبوين وه كۆرۆنا له به‌غداى پايته‌خته‌وه جيواز بوينه له‌ڕێ يه‌كه‌يل ئدارى نزيك له رسافه بيجگه جيوازبوين ڤايرۆسه‌گه له‌وه‌خت سه‌ردانيكردن له‌ناونى مه‌ردم دياله‌و به‌غداى پايته‌خت.
سه‌رچه‌وه‌گه باس له‌وه‌يش كرد ناوچه‌يل قه‌زاى خانه‌قين و ناحيه‌يل سه‌عديه و جه‌باره و مه‌نه‌لى و قازانيه و عزێم و مه‌نسوريه له هه‌ر تويشبوينيگ وه كۆرنا به‌تاڵ بوينه، وه‌بوونه‌ى دويرييان له مه‌رزه‌يل به‌غدا و جيايى ئدارى و مه‌رزى له يه‌كه‌يل تر ئدارى.
