كەشناسی عراق: لە سووەو دەسکەێدە واران و گرمەهڕ و تەگر
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە، لەناوچەی ناوڕاس نیمچە ئەورە وەگەرد نمە وارانیگ کەمیگ زیایەو بوود، لە بەشەیل خوەرئاوای گرمەهڕە، و لە ناوچەی باکوور ئەورە وەگەرد وارانیگ سووک تا ناوڕاسەو لە و لە مەوقەی شەو رفتەو بوود و بوودە ئەور و بەڵاچە وەگەرد تەگرواران لە چەن شوینیگ.
بەیاننامەگە وتیش: لە ناوچەی باشوور نیمچە ئەورە تا ئەور تەواو وەگەرد نمە وارانیگ لە بەشەیل خوەرئاوای جاروبار گرمەهڕە، و پلەی گەرمی لە ناوچەی ناوڕاس و باشوور کەمیگ داوەزێد، و لە بەش باکوور وڵاتەگە نزیک رووژەیل وەرجە خوەیە.
وتیش: ڕووژ چوارشەممە، لە ناوچەی ناوڕاس و باکوور ئەور و وارانە وەگەرد تەگر، و لە ناوچەی باشوور ئەوە وەگەرد نمە وارانیگ کەمیگ زیایەو بوود لە چەن شوینیگ وەگەرد تەگرواران، و پلەی گەرمی لە گشت وڵاتەگە چەن پلەیگ لە رووژ وەرجە خوەی داوەزێد.
دیاری کرد ک کەشوهەوای رووژ پەنجشەممەی ئایندە لە ناوچەی ناوڕاس و باشوور نیمچە ئەورە وەگەرد نمە وارانیگ شەوەکی لە بەشەیل خوەرھەڵات وەگەرد ئەور و تریشقە، و لە ناوچەی باکوور نیمچە ئەورە وەگەرد نمە وارانیگ و ئەور و تریشقە، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باشوور کەمیگ داوەزێد.
بەیاننامەگە وتیش: کەشوهەوای رووژ جمعە، لەناوچەی ناوڕاس نیمچە ئەورە، و لە ناوچەی باکوور نیمچە ئەورە جاروباریش بوودە ئەور تەواویگ، وەگەرد وارانیگ بڕبڕ، و لە ناوچەی باشوور رووشنە وەگەرد لەکە ئەوریگ، و پلەی گەرمی لە ناوچەی ناوڕاس کەمیگ بەرزەو بوود، و لە باکوور نزیک رووژ وەرجە خوەیە، و لە ناوچەی باشوور چەن پلەیگ بەرزەو بوود.
