كوشيان سێ تیرۆرست لە بەغداد و قەناسیگ لە باکوور بەغداد سەربازیگ کوشێد
2023-02-16T13:47:32+00:00
شەفەق نیوز/ فەرماندەی ئۆپراسیۆنەیل بەغداد، ئمڕوو پەنجشەممە، پویچەڵکردن پلانیگ تیرۆری ئەڕا ئامانجکردن زیارەتچیەیل ئیمام موسای کازم راگەیان، وتیش؛ هیزەیل ئەمنی مەفرەزەیگ لە سێ تیرۆرست کوشت، یەکیگیان پشتن تەقینەوە بەساگە، ئەوەیش لە قەزای تارمیە باکوور بەغداد پایتەخت، لە وەختیگ سەرچەوەیگ ئەمنی خەوەردا ک قەناسیگ سەربازیگ عراقی لە یەکیگ لە باخەیل قەزاگە زەخمدار کرد.
راگەیانن ئۆپراسیۆنەیل بەغداد لە بەیاننامەیگ رەسیە ئاژانس شەفەق نیوز وت: هیزیگ لە لیوای کۆماندۆز بە فەرماندەیی ئۆپراسیۆنەیل بەغداد چینە ناو حەشارگەی چەتەیل داعش تیرۆرست و توەنستن سێ کەس لەلیان بکوشن، یەکیگیان پشتن تەقینەوە بەساگە، ئەوەیش لە قەزای تارمیە باکوور بەغداد پایتەخت.
دیاری کرد ک ئەو ئۆپراسیۆن جیاوازە لە بنەمای زانیاری هەواڵگری هویرد وەلایەن بەش هەواڵگری و ئاسایش فەرماندەیی هات، لە ئارامکردن زیارەت ڕەجەب.
هەرلیوا، سەرچەوەیگ ئەمنی ئەرا ئاژانس شەفەق نیوز وت: سەربازیگ مەفتڵ وەر گولەی قەناسیگ داعش لە با حسیبە لە ناوچەی ابی لە قەزای تارمیە.
سەرچەوەگە دیاری کرد ک هیزیگ ئەمنی وەشکین وەمینەی جیوڵجیکەرەیل ئەنجام دا، و سەربازەگە بریا خەسەخانە.
