كرماشان ئاهەنگ ئەرا دار شیرین و فەرهاد سازێد
لە ڕاپۆرتیگ ئاژانس خوەنەوارەیل ئیران (ئیسنا) و ئەڵگەردان ئاژانس شەفەق شەفەق نیوز، باس لەوە کردگە کە لە تاقوسان کرماشان داریگ چنار هەس کە بە وە مەزەنە لە ساڵ ١٤٢٣ چنیاس. ئەو درەختە وە ار شیرین و فەرهاد ناسیاس و خەڵک کرماشان وە هێمای دێرینی و تەمەن رەیژی ناسنەی، هەمیش هێمای گەورەیی کرماشان و تاقوسانە.
لە راپۆرتەگە نشان دا کە جارانی پیاییگ پیر وە ناو “رەحمەت” ساڵان فرەیگ لە کونایگ لەناوڕاس ئی دارە کەوش دروس کردیاد و هەر یەیش هیشت بڕیگ وە دارەی شیرین و فەرهاد بویشن دار “ڕەحمەت”.
لە درەیژەی ئی راپۆرتەگە هاتگە کە دار شیرین و فەرهاد، یا “ڕەحمەت” کە ئیسە بویەسە یەکیگ لە هێمایل شار کرماشان، دویەکە چگە ناو ساڵ ٦٠٢ ساڵەی خوەی، یەیش نیشانەی بەرژەوەنی و گرنگیی خەڵک کرماشان ئەرا سروشت و تەقەلای مقیەتیکردنی نشان دەێد.
وتیش؛ ئی دارە تەمەنی ٦٠٢ ساڵە و کەفێدە شان ناوچەی میژوویی تاقەسان، لە ساڵ ٢٠٠٨ جویر هێمایگ سروشتی نیشتمانی توومار کریاس.
دیاریکرد دویای ٦٠٢ ساڵ تەمەن، بەرزی "رەحمەت" رەسیە ئەرا ٣٧.٧ مەتر و پانیەگەی ئەرا ٨.٤٦ مەتر.
لە راپۆرتەگە دیاریکریاگە رێکخریاگ رووشنهویری و کۆمەڵایەتی و وەرزشی شارەوانی کرمانشان و ئیدارەی گشتی کەلەپوور رووشنهویری پارێزگاگە دویەشەو سێشەممە، ئاهەنگ لەداڵگبوین ئەرا دار چنار کوەینەیگ لە شارەگە کرد وە بوونەی لەداڵگبوین ٦٠٢ ساڵەی دار "رەحمەت".
لەباوەت گرنیگی ژینگە، سەرۆک رووشنهویری و کۆمەڵایەتی شارەوانی کرمانشان ئیمان درەخشی، لەی ئاهەنگە وت: "ئمڕوو لە جەهانیگ زندگی کەیمن ژنگە گرنگی سەرەکیگ دیرێد، لەوەر ئیە ناچارین تەقەلا بدەیمن ئەرا پاراستنی وە خاسترین شیوە".
هەمیش وت "گرنگی دان وە ژینگە لەی رووژە گرنگی دانیگ جەهانیە، ئەگەر نەتوەنیمن مقیەتی لەی لەی رزقە بکەیمن خودا وە شیوەی خاسیگ وەپیمان بەخشیە وە دڵنیایەو لە ساڵەیل ئایندەیگ کە دویر نییە وێران بوود و بایەت چەوەڕێ کارەسات فرەیگ بویمن".
درەخشی وتیش" ئمڕوو وەگەرد مەردم کرمانشان خوەشەویست کووبویمنەو ئەرا ئاهەنگ لە داڵگبوین کویەنترین دار چنار پارێزگاگە، لەری ئێ ئاهەنگە رەمزیە حەز و گرنگی خوەمان ئەرا ژینگە نیشن دەیمن".
وتیش؛ "رەحمەت" ئمڕوو تەمەنی رەسیە ٦٠٢ ساڵ هیوادارم گشت ساڵیگ بتوەنیمن ئی ئاهەنگە بکەیمن و نیشان بدەیمن مەردم کرمانشان چەنیگ گرنگی وە پاراستن سروشت و ژینگە دەن".
