قورتارکردن ئەندامیگ ئەمنی و کوڕەگەی لە تیرۆرکردن و پەیاکردن تەرم مناڵیگ لە باشوور عراق

شەفەق نیوز ـ زیقار/ میسان

سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە توومارکردن چەن رویداویگ لە پارێزگاگە لەناویان تەقەلای تیرۆرکردن ئەندامیگ ئەمنی و کورەگەی لە  باکوور پارێزگاگە.

سەرچەوەگە وەئاژانس شەفەق نیوز راگەیان "چەکدارەیل وەبان ماتۆڕسکیلیگ لە جویر (سەتوتە)  تەقە لە ئەندامیگ ئەمنی و کوڕەگەی کردنە لە ناوبڕ شوعلە لە قەزای شەترە باکوور پارێزگای زیقار، پەلامارەگە بویەسە مدوو زەرەد مادی" وتیش "هێزەیل ئەمنی توەنستن یەکیگ لە پەلاماردەرەیل دەسگیربکەن و لایەن دویەم وایە".

سەرچەوەگە وتیش، "رویداویگ هاتوچو لەبان ری ( شەترە ـ دەوایە) باکوور خوەرهەڵات زیقار رویدا، لە ئەنجام لەیەکەوداین دووماشین کە بویە مدوو مردن کەسیگ دەسوەجی و زەخمداری سەختیگ لایەن دویەم".

لە میسان، هێزە ئەمنیەل تەرم کوڕیگ 14 ساڵان پەیاکردن لە ژیر پیەڵ ماجدیە لە ناوڕاس شار عەمارە ناوەن پارێزگاگە، لێکۆڵینەوەیل سەرەتای رویداوەگە لە ئەنجام خنکیان  کوڕەگە لەناو چەم  دیجلە بویە هنای سناوکردیە.