فەرمان وەسێدارەدان لەبان بکوش پسپۆڕیگ ئەمنی

سەرچەوەیگ لە ئەنجومەن دادوەری باڵا، ئەرا ئاژانس شەفەق نیوز وت: دادگای نەهیشتن تاوانەیل رەسافە، فەرمان وەسێدارەدان تا مردن لەبان بکوش هاشمی دەرکرد.

هاشمی لە ٦ تەمووز ٢٠٢٠ لە بەغداد پایتەخت، وە گولەی کەسەیلیگ وە کووڵ ماتۆرسکڵیگ کوشیا، لە رویداویگ بویە دەمەقاڵیگ جەماوەری و دەنگدانەوەی ناودەوڵەتی پەیا کرد.

لە تەمووز ٢٠٢١، موستەفا کازمی سەرۆک حکومەت وەرین، دەسگیرکردن بکوشەیل هاشمی راگەیان، لە وەختیگ تەلەفزیۆن فەرمی قسەیل توومەتبارەگە وە ئاشکراکردن تاوانەگەی پەخش کرد، ک ئەفسەرە وەپلەی مولازم یەکەم لە تەمەن ٣٦ ساڵان.