ئەفسەریگ خوەی لەمابەین کویەيل حەمرین دوینێدەو لەدویا چەن ساعاتیگ دابڕیان
2023-05-10T07:13:38+00:00
شەفەق نیوز/ سەرچەوەیگ ئەمنی لەدیالە، ئمڕوو چوارشەممە، خەوەردا لە زەخمداریبوین ئەفسەریگ وە رویداو هاتوچو لە باکوور خوەرهەڵات بەعقوبە.
سەرچەوەگە ئەرا ئاژانس شەفەق نیوز باس لە هویردەکاری رویداوەگە کرد و راگەیان، پەیوەنی لەمابەین ئەفسەرەگە و خانەوادەگەی بڕیاگە هەنای لە قەزای موقدادیە گلەوخوەێد ئەرا ماڵیان لە جەلەولا، لەدویای چەن ساعەتیگ لە مینەکردن وە زەخمداری پەیاکریاس لەئەنجام ئەڵگەریان ماشینەگەی و دویرەوکەفتن ۲۰۰ مەتر لە جادەگە ئەرا ناو کویەی حەمرین.
