ئەفسەریگ تەقە لە هاوڵاتیيگ کەێد لە بەغداد و کارەبا و خنکیان کۆتایی وە ژیان دوو کەس تێەرن لە دیالە
سەرچەوەگە وە ئاژانس شەفەق نیوز خەوەردا، " گەنجیگ سی ساڵان مەوقەی دەسنەمازگردن لە کنار ئاو ئاویاری لە پشت زانکۆی دیالە کەفێدە ناو چەمەگە و گیان لەدەس دەێد".
سەرچەوەگە وتیش، " پۆلیس دەریاوانی تەرم خنکیایەگە دراوردنە و دەسڵاتدارەیل ئەمنی لێکۆڵینەوە لە رویداوەگە وازکردنە".
لە رویداویگتر، وەپای هەمان سەرچەوە، گەنجیگ وە کارەبا گیان لەدەسدەێد مەوقەی خاسەوکردن کارەبا لەناوماڵەگەی لە ناحیەی هبهب لە باکوور خوەرئاوای بەعقوبە.
لە بەغدا، سەرچەوەیگ ئەمنی ئاشکەرای هویردەکاری مەراف ناوەین هاوڵاتییگ و ئەفسەریگ پۆلیس فیدراڵی کرد، وە مدوو سەرپیچی بیناکردن لەبان زەوی کشاوەرزی لە ناوچەی وەزیریە.
سەرچەوەگە ئەرا ئاژانس شەفەق نیوز ئاشکەرایکرد، " مەوقەیگ هیزەیل پۆلیس فیدراڵی نواگیری لەلی کەن لە بیناکردن لەناوچەیگ کشاوەرزی وە دیارکریاگ لەناوچەی سەرۆکایەتی ناوخوەی 769 جادەی 20 نزیک بەنداو خەرگین، هەنای وردەوردە لەناوەینیان دروسبوود".
وتیش،"ئەفسەریگ وە پلەی نەقیب تەقە لە هاوڵاتیگ کردیە (خاوەن زەویەگە) ئەرا خەسخانەی شێخ زاید کلکریاس، باوجی لەوەر زەخمداریەگەی گیان لەدەسدەێد، ئەفسەر دەوریەگە لە بنکەی فەوج یەکەم پولیس فیدراڵی گیریایە".
