فرەیان مناڵن.. کوشیان و زەخمداری پەنج کەس لە یەک خیزان وە تەقینەوەی نادیاریگ لە نەینەوا
2024-09-01T10:06:17+00:00
شەفەق نیوز/ سەرچەوەیگ ئەمنی لە پارێزگای نەینەوا، ئمڕوو یەکشەممە، خەوەردا کە سێ مناڵ کوشیان و دوو کەس ترەک زەخمدار بوین، لە ئەنجام تەقیان بومبیگ، خوەرئاوای موسڵ.
سەرچەوەگە ئەرا ئاژانس شەفەق نیوز وت: سێ مناڵ لە یەک خیزان کوشیان وە تەقیان بومبیگ دانریاگ لە جیماگەیل ریخریاگ داعش، و دوو کەسیش زەخمدار بوین، لەناو ماڵ چووڵیگ نزیک ئاوای سویتی سەروە قەزای بەعاج خوەرئاوای موسڵ.
سەرچەوەگە وتیش: ئەو بنەماڵە کار شوانی پەس کەن، و بە چەن ساڵیگە لەناو ماڵیگ چووڵ نیشتنە، و ئمڕوو بومبیگ لەناو ماڵەگە تەقیەو.
