فرووشەیل بانک ناوەندی عراق ئەرا ژیانی لە 258 ملیۆن دۆلار بەرزەو بوی
شەفەق نیوز/ فرووش دۆلار بانک ناوەندی عراق، ئمڕوو سێشەممە، زیای کردگە، و لە زیاکردن ئاشکرای رەسیەسە زیاتر لە 258 ملیۆن دۆلار، وەچەو دویەکە دووشەممە.
پەیامنێر ئاژانس شەفەق نیوز وت: ئمڕوو بانک ناوەندی لە زیادکردنەگەی بڕ 258 ملیۆن و 203 هەزار و 662 دۆلار فرووشت، کە وە نرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا بۆ کارت ئەلیکترۆنی فرووشتگە، وە نرخ 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وە شیوەی کاش.
وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی ٢٤٢ ملیۆن و ٧٠٣ هەزار و ٦٦٢ دۆلار بیوە، کە وەڕیژەی ٩٤% زیادیکردگە وەچەو فرووش نەختینەیی کە بڕی ١٥ ملیۆن و ٥٠٠ هەزار دۆلار بویە.
پەیامنێرمان وتیش: شمارەی ئەو بانکەیلە کە دۆلار کاش سەننە رەسیە دوو بانک، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٤ بانک، و بڕ گشتی کۆمپانیایل ئاڵوگۆڕی و دەڵاڵی کە بەشداری لە زیایکردنەگە کردنە ١١ کۆمپانیا بویە.
