عراق کوشتن ١٠ تیرۆرست وە گورز ئاسمانی راگەینێد
2023-06-03T12:56:49+00:00
شەفەق نیوز/ شانەی راگەیانن ئەمنی، ئمڕوو شەممە، کوشیان ١٠ تیرۆرست لە سێ ئۆپراسیۆن وەلایەن فڕۆکەیل جەنگی و دەزگای دژەتیرۆر و ماوەی ٢٤ ساعەت گوزەشتە راگەیان.
وتیش؛ ئەوەیش وە فەرمان فەرماندەیی گشتی هیزە چەکدارەیل وە سەرپەرشتیاریی فەرماندەیی ئۆپراسیۆنەیل هاوبەش حیوەکی کریا، وەگورەی بەیاننامەیگ رەسیە ئاژانس شەفەق نیوز، ک هیزەیل ئاسایش وە جویراجویر چینەیلی وەردەوامن لە زوورهاوردن وەبان ئەندامەیل تیرۆری وەگورەی پلانیگ توکمە ک زەرەد گیانی وەپیان رەسان، و حەشارگەیلیان ویران کرد.
شانەگە دیاری کرد ک هیزەیل ئاسمانی گورزیگ ئاسمانی دویەکە جمعە لە زنجیرەی کویەیل حەمرین وەشانن، بویە هوکار کوشیان چوار تیرۆرست، و دەزگای دژەتیرۆر توەنست سێ تیرۆرست بکوشن، و وە گورزیگ ئاسمانی لە کەرت دیالە - کویەیل حەمرین جیوەجی کرد، ک بویە هوکار ویرانکردن حەشارگەیل و کوشیان سێ تیرۆرست.
