عراق چوارەمە لەناوەین ئەو وڵاتەیلە زیاترین موڵک لە تورکیا سینن

شەفەق نیوز/ دەسەی ئامار تورکیا، ئمڕوو دووشەممە، راگەیان هاوڵاتیەیل عراقی لەماوەی چوار مانگ یەکەم 2025 زیاتر لە 340 ماڵ لە تورکیا سەننە، عراق پلەی چوارەم جەهانی وەدەسهاوردیە لە ناوەینن ئەو وڵاتەیلە زیاترین موڵک لە تورکیا سەننە.

دەسەگە لە راپۆرتیگ فەرمی کە ئاژانس شەفەق نیوز دیەسێ راگەیان  " عراقیەیل وە سەنین 344 ماڵ لە تورکیا لە ناوەین مانگ کانوون دویەم تا مانگ نیسان پلەی چوارەم وەدەسهاوردن لە دویای روسیا و ئیران و ئۆکرانیا".

وەپای بەیاناامەگە، بسینەیل عراقی وەیجویرە بەشەوبوون کانوون دویەم 103 ماڵ، شوبات 99 ماڵ و ئازار  72 ماڵ، و لە ماوەی مانگ نیسان ماڵ.

  دیاریکرد "رێژەی عراقیەیل لە موڵک وە رێژەی   2.69٪ زیایبویە بەراورد هەمان ماوە لە ساڵ وە، کە شمارەی ئەو ماڵەیلە سەنریانە رەسیەس   335 ماڵ".

دیاریکرد، "هاوڵاتی ڕووسییەیل له لەبان  لیست بسینەیل بیانین لەماوەی چوار مانگ وەرین   2025دا له پێشه نگ لیست بسینە بیانیەیل بوین، هه زار و 55 ماڵ سەننە، و دویایی ئیرانیەیل وە 576 ماڵ، دویایی ئۆکراینییه گان وە 424 ماڵ، عێراقییەیلیش هاە پلەی چوارەم".

جی  باسە عێراقییەیل لە ساڵ ٢٠١٥ەوە لە پێشەنگ لیست بسینەیل ماڵنن لە تورکیا باوجی لە سەرەتای ساڵ 2021 دویای ئیران داوەزیا ئەرا پلەی دویەم، دویایی  لە مانگ نیسان ٢٠٢٢ ئەرا پلەی سێیەم داوزیی، وەگەرد زیایبوین خواست رووسیا لە ماڵوموڵک تورکیا ئیرنگە عراق ئەرا پلەی چوارەم هاتییە.