عراق هێڵ جيوازكردن ده‌يشتايى وه‌ل روسيا واز ئه‌كا
شه‌فه‌ق نيوز عه‌بدوڵڵا لعێبى وه‌زير گواستنه‌وه ئاشكراى ره‌زامه‌نى ئه‌نجومه‌ن وه‌زيره‌يل كرد له‌بان پرووژه‌ى ريككه‌فتن جيوازكردن ده‌يشتايى ناوده‌وڵه‌تى ئه‌را كه‌س و كاڵا له‌ناونى حكومه‌ت كۆمار عراق و حكومه‌ت روسياى ناوه‌ندى.
لعێبى له به‌ياننامه‌يگ ئه‌را شه‌فه‌ق نيوز وت: ئامانج له‌و ريككه‌فتنه پته‌وكردن و په‌ره‌داينه وه په‌يوه‌نديه‌يل دولايه‌نه‌ى هاوبه‌ش و جيوه‌جيكردن به‌رژه‌وه‌نديه‌يل هه‌ردوگلا له بوار جيوازكردن ده‌يشتايى ناوده‌وڵه‌تى ئه‌را كه‌س و كاڵايه‌يل وه‌تايبه‌ت بوار گواستنه‌وه له‌ڕێ ترانزێت وه‌ناو خاك هه‌ردوگ وڵاته‌گه.
جى باسه، لعێبى هه‌ميش وت: ئلا ريككه‌فتنه چه‌واشه‌ى حوكم ده‌ستوور و بڕياره‌يل نيه جوور ئه‌وه‌گ له دقه‌تكردن ئه‌نجومه‌ن ده‌وڵه‌ت هاتگه‌و ره‌زامه‌نى له‌بان ئمزاكردن له‌لايه‌ن وه‌زاره‌ته‌يل په‌يوه‌نديداريشه‌و ئه‌را جيوه‌جيكردنى وه‌رگيرياگه.
