عراق مەزەنەی هاتن لافاو لە ئیران و پڕکردن ئەهوار لە وارانەگە کەێد
وەزارەتەگە لە بەیاننامەیگ وت: ویستگەی قەزای عەزیزی لە پارێزگای واست ٦٣ میلیمەتر توومار کرد، ک ئەوەسە دەسمیەتی لە رەسانن ڕاو ئەرا پارێزگایل باشوور دەێد ئەرا جیوەجیکردن گشت داوایل ئاو ئەرا ئەو ناوچەیلە ک زیان لە بیئاوی وەخوەیان دین.
بەیاننامەگە وتیش: لە پارێزگای دیالە، ویستگەی بەنی سەعد ٦٦ میلیمەتر لەی وارانە لە لافاو توومار کرد ک روی وەرەو بەنداو حەمرین کەێد، و هەمیش سوود لە وارانەگە گرێد ئەرا زیایکردن تەکان ئاوەگە وەرەو ئەهوار عراق ک لە ماوەی گوزەشتە زیان بیئاوی داشتن، وەگەرد خاسەوکردن ژینگەی سەت عەرەب.
وەزارەتەگە وتیش: مەزەنە کریەێد لافاوەیل لە ئیران هاوسا لەماوەی ئی رووژە بزاێدە ناو چەمەیل هاوبەش لە پارێزگایل واست و میسان، ئمجا لە فرەکردن ئاو ئەهوار عراق سوود دیرێد.
وتیش: شەپوول واران و لافاوەگە ئەو زوورە لەبان وەکارهاوردن ئاو سووکەو کەێد، ک نەرمییگ ئەرا وەزارەتەگە وە جیوەجیکردن پلان تەکان ئاوەگە پەیا کرد تا مقەیتی ئەمار ئاو و جیوەجیکردن داوایل گشت پارێزگایل.
