عراق چل پلەی سەدی هەیلێدە جی و پێشوازی لە سەردی کەێد

شەفەق نیوز/ پێشبینکار کەشوهەوایی سادق عەتیە، ئمڕوو یەکشەممە، وت: کەشوهەوا دەس کردە ئاڵشتبویتیگ پلەیی لە بەغداد پایتەخت وشارەیلیگ تر، لەلیان هەرێم کوردستان. 

عەتیە لە ماڵپەڕ فەیسبووک ئمڕوو نووسان: بەغداد پایتەخت وشارەیل باکوور پلەیل گەرمی گەپ ٤٠ سەدی هیشتنە جی و ئەوەسا لە کۆتایی ئی هەفتە یا سەرەتای هەفتەی ئایندە شارەیل باشوور کەفنە شوونیان .

وتیش؛ ووردە ووردە هەست وە نەسیم سەرد شەواتە کریەێد و جیوازی ئاشکرایگ لەناوبەین شەو و رووژ .

عەتیە هەمیش وت: وینەی مانگەگە لە شەوەکی ئمڕوو یەکشەممە ئاماژە وە ئەوەرەیل بوور بەڵاچەیی وارانداریگ کەێد لە دیالە وسلێمانی، و بەشیگ لە ئەورەیل کەم واراندار هابان بەشیگ لە سەڵاحەدین وکەرکوک و خوەێهەڵات ئەنبار، و ێەورەیل بی وارانیگ لەبان بەغداد و واسیت.