عراق لە لیست گەرمترین ناوچەیل جیهان دەرچگ.. خشتە

شەفەق نيوز– بەغداد 

ناوچەیل عراق، ئمڕوو شەممە، لە لیست گەرمترین 15 ناوچەی جیهانی لەماوەی 24 ساعەت گوزەشتە نەوی، 

 وەگورەی راپۆرت ویستگەی "پلاي ويزەر" جیهانی کە پەیوەندیدارە وە کەشناسی، ناوچەی عەبادان لە ئیران لە نوای لیستەگە بوی وە 50.4 پلەی سەدی، ئیجا عەمیدیە لە ئیران وە 49.6 پلەی سەدی، ئیجا سەفی ئاباد دیزەفول لە ئیران وە 49.1 پلەی سەدی.

فڕوکەخانەی ناودەوڵەتی عێن لە ئیمارات کەفتە پلەی چوارەم وە 49 پلەی سەدی، ئمجا ئەهواز ئیران وە ـ48.8 پلەی سەدی، ئیجا فرۆکەخانەی ناودەوڵەتی کوێت وە 48.6 پلەی سەدی، و سنينة لە سەڵتەنەتی عومان وە خود پلە.

ئیحسا لە سعودیە کەفتە پلەی هەشتەم وە 48.5 پلەی سەدی، ئیجا كەهنوج ئیران وە 48.4 پلەی سەدیڕ ئمجا مەسجد سولێمان ئیران لە پلەی دویەم وە 47.3 پلەی سەدی.

دەمام سعودیە لە پلەی 11 هات وە 47.1 پلەی سەدی، ئیجا روانی لە سەڵتەنەتی عومان لە پلەی  12 وە 47 پلەی سەدی، ئیجا فهود ڵە عومان وە 46.7 پلەی سەدی، لە شوینی نورينا لە  قەتەر  وە 46.4 پلەی سەدی، و لە پایان فڕوکەخانەی ناودەوڵەتی دوبەی کەفتە پلەی  15 وە 46.1 پلەی سەدی.

ئمڕوو شەممە، دەسەی کەشناسی عراق کەشوهەوای وڵاتەگە ئەرا ئی رووژەیل بانانە راگەیان، و مەزەنەی کەشوهەوای گەرمیگ کرد وەلێ خوار پەنجا، بیجگە پارێزگای بەسرە.