عراق لە رووژەیل یەکشەممە و دووشەممە چەوەڕی واران و گرمەهڕ کەێد
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو پەنجشەممە، لە ناوچەی باکوور ئەور و واران و گرمەهڕە.
وتیش: لە ناوچەی ناوڕاس و باشوور وڵات، ئمڕوو و سوو جمعە رووشنە تا نیمچە ئەورە، وەگەرد بەرزەوبوین کەمیگ لە پلەی گەرمی لە باشوور.
وتیش: پلەی گەرمی مەزن ئەرا سوو جمعە وەیجویرە بوود: دهۆک ٢٣، هەولێر ٢٤، نەینەوا ٢٦، سلێمانی ٢٣، کەرکوک ٢٧، سەڵاحەدین ٢٨، ئەنبار ٢٩، دیالە ٢٩، بەغداد ٣٠، واست ٣٠، بابل ٣٢، کەربەلا ٣١، میسان ٣١، دیوانی ٣١، نەجەف ٣٢، زیقار ٣٢، موسەنا ٣٢، بەسرە ٣٢ پلەی سەدی.
دیاری کرد کە رووژ شەممە، ئاسمان رووشنە تا نیمچە ئەورە، و پلەی گەرمی لە ناوچەی ناوڕاس و باکوور کەمیگ بەرزەو بوود، و لە ناوچەی باشوور نزیک رووژ وەرجە خوەیە.
دەسەگە وتیش: رووژ یەکشەممە، هەرلە بەشەیل خوەرئاوای وڵاتەگە ئەور تیەێد وەگەرد واران و گرمەهڕلە ناوچەی ناوڕاس و باکوور ئەرا دویای نیمەڕو، و پلەی گەرمی لە ناوچەی ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ بەرزەو بوود.
وتیش؛ کەشوهەوای وڵاتەگە ئەرا رووژ دووشەممەی ئایندە، لە ناوچەی باشوور ئەورە وەگەرد وران و مەوقەی شەو رفتەو بوود، و پلەی گەرمی چەن پلەیگ نزمەو بوود.
