عراق قه‌يه‌غه‌ى ده‌رچگن چينيه‌يل له‌ناو خاكه‌يلى ئه‌كا
شه‌فه‌ق نيوز/ وه‌زاره كار و كاروبار كۆمه‌ڵايه‌تى له عراق، جه‌خت له خواستا داناين شيوازيگ ياسايى كرد ك چينيه‌يل كاركه‌ر له سه‌رچه‌وه‌يل نه‌فتى پابه‌ند وه‌پيه‌و بوون و وڵاته‌گه نه‌يلنه‌جێ، ئه‌ويش له‌وه‌ر سه‌ڵامه‌تييان له تويشهان وه ڤايرۆس كۆرۆنا.
وه‌زاره‌ته‌گه له به‌ياننامه‌يگ وت: باسم عه‌بدولزه‌مان له دانيشتنى وه‌ل ليوا نه‌شئه‌ت خه‌فاجى وه‌ڕيوبه‌ر بار شارستانى و وه‌ڕيوبه‌ر ئيقامه له وه‌زاره‌ته‌گه جه‌خت له خواست داناين شيوازيگ ياسايى كردگه ئه‌را ئه‌وه‌گ كاركه‌ره‌يل چينى له سه‌رچه‌وه‌يل نه‌فتى پابه‌ند بوون وه‌پيه‌وه‌و وڵاته‌گه وه‌جى نه‌يلن، ئه‌ويش له‌وه‌ر خاتر سه‌ڵامه‌تى خوه‌يان و سه‌ڵامه‌تى هاووڵاتيه‌يل عراقى له تويشهاتن وه ڤايرۆس كۆرۆنا.
جى باسه، به‌ياننامه‌گه هه‌ميش وت: ئاماده‌بويه‌يل ريككه‌فتنه له‌بان دامه‌زرانن وۆرك شۆپيگ ك گشت لايه‌نه‌يل بگرێده خوه‌ى ئه‌را ده‌ركردن رينمايه‌يليگ ك سه‌ڵامه‌تى گشتلايگ بگرێده خوه‌ى.
