عراق کەفێدە وەر سەختترین شەپوول گەرمی
2024-08-23T09:09:32+00:00
شەفەق نیوز/ شارەزای کەشناسی عەلی جابر زیادی وت: عراق لە ئمڕوو جمعەو کەفێدە وەر سەختترین شەپوول گەرمی لەی تاوسانە، و هوشداري وسیان ژیر خوەر کرد کە تویش وسیان دڵ تیەرێد.
زیادی ئەرا ئاژانس شەفەق نیوز وت: ئی شەپوول گەرمیە لە ئمڕوو جمعەو قویلەو بوود و تا ماوەی ٤٠ رووژ لەلای کەمەو وەردەوامە، و پلەی گەرمی بەرزە وەگەر بەرزەوبوین نم و کپی وا، کە هیلێد فرە گەرم بوود.
زیادی ئی شەپوولە وە سەخترین لەی وەرزە دانا چوینکە رووژەیلی فرەس، و مەزەنە کرد ریژەی (50 / 49) پلەی سەدی لە ناوچەیل ناوڕاس و باشوور توومار بکەێد.
زیادی داوا لە هاوڵاتیەیل کرد فرە نەکفنە وەر خوەر چوینکە گەرمیەگە فرەس و ئاز لەش نیەیلێد و دەروین شەکەت کەێد و دڵ وسنێد.
دیاری کرد کە لە ناوڕاس هەفتەی ئایندە ئی شەپوولە کەنەو بووک ز لە رووژ ٢٨ ئاب کەشوهەوای ئاسایی گلەو خوەێد.
