عراق روی وەرەو گەشەوهەوای زمسانی کەێد.. داوەزیان گەرمی و واران لەی مەوقە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو دووشەممە، لە ناوچەی ناوڕاس نیمچە ئەورە تا ئەور تەواوە، و لە ناوچەی باکوور نیمچە ئەورە، و لە ناوچەی باشوور ئەورە وەگەرد دەرفەت و ئەوروتریشقە، و پلەی گەرمی لە گشت وڵاتەگە نزیک رووژ وەرجە خوەیە.
وتیش: رووژ سێشەممە، لە ناوچەی ناوڕاس ئەورە وەگەرد واران جیاجیا، و لە ناوچەی باکوور نیمچە ئەورە تا ئەور تەواوە، وەگەرد دەرفەت نمە وارانیگ، و لە ناوچەی باشوور ئەورە وەگەرد نمە وارانیگ، و پلەی گەرمی لە بەشەیل ناوڕاس و باشوور چەن پلەیگ نزمەو بوود، و لە بەش باکوور نزیک رووژ وەرجە خوەیە.
دیاری کرد کە رووژ چوارشەممە، لە ناوچەی ناوڕاس رووشنە تا نیمچە ئەورە، و پلەی گەرمی کەمیگ بەرزەو بوود، و لە ناوچەی باکوور نیمچە ئەورە وەگەرد دەرفەت نمە وارانیگ، و پلەی گەرمی جویر خوەی مینێد، و لە ناوچەی باشوور نیمچە ئەورە تا ئەور تەواوە وەگەرد دەرفەت نمە وارانیگ جیاجیا، و پلەی گەرمی نزمەو بوود.
دەسەگە وتیش: کەشوهەوای رووژ پەنجشەممەی ئایندە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ بەرزەو بوود.
