عراق راگەینێد کوشتن ٦٠ تیرۆرست لە جیماگەیل داعش
رەسول لە بەیاننامەیگ رەسیە ئاژانس شەفەق نیوز وت: دەزگای دژە تیرۆر وەردەوامەن لە ئۆپراسیۆنە جیوازەیلی، ودویای دەسکردن وە ئۆپراسیۆن (ئەسەد موتەئەهیب) لە مانگ گوزەیشتە ک بویە هووکار ویرانکردن ١٢٠ ئەشکەفت و حەشارگە، و کوشتن ٢٧ ئەندام لە داعش، ک لە شوونی بەشیگ لە ئەندامە تیرۆرستەیل وەرەو زنجیرەی تەپەیل حەمرین واین، پیاوەیل دەزگای دژە تیرۆر توێنستن جمووجولیان رەوانگە بکەن، وتەقە لەلیان نەکریا تا بارەگا جیگەرەیلیان بناسیەن.
وتیش؛ هەنای لەناو بارەگا جیگەرەیلیان ئارام گردن، ئەندامەیل دژە تیرۆر ناونیشان ئەو دیوەخانەیلە ئەرا هێز ئاسمانی عراقی رەوانە کردن، ک ئەویش دەسکردە گورزەیل خەسیگ لەبان حەشارگەیل جیماگەیل داعش لە رووژ ٢٥ ئازار ٢٠٢١، تا ویرانکردن بارەگا جیگرەیل و تەواوەتی وەخوەیان بوینن.
و ئاماژە کرد ک ئی بمبارانە بویە هووکار کوشتن ٦٠ تیرۆرست لە جیماگەیل چەتەیل داعش وە ئۆپراسیۆنیگ تەکنیک جیوازیگ داشت و هەمیش لە هەماهەنگی وە ئاست بەرزیگ لەناوبەین دەزگای دژە تیرۆر و پیاوەیل هێز ئاسمانی عراقی.
و دووپات کرد ک دەزگای دژە تیرۆر وەردەوامە لە پەیمانەگەی ئەرا گەل عراق و فەرماندەی گشتی هێزە چەکدارەکان ک جیماگەیل داعش تیرۆرست و تەواوەتی لەناو بەێد، و خاک پیروزمان لەلیان پاکەو بکەێد.
