عراق: ٧٧ بارەگای ئۆپۆزسیۆن کورد ئیرانی بەسایمن و چەکیان دایمنە پیشمەرگە
شەفەق نیوز/ قاسم ئەعرەجی سڵاکار ئاسایش نیشتمانی عراق، ئمڕوو سێشەممە، وت: دەسەڵاتەیل وڵاتەکە نزیکەی ٨٠ بارەگای کوردی ئۆپۆزسیۆن ئیرانی لەبان سنوور وەرد ئیران لە لای هەرێم کوردستان بەسانە، وتیش؛ گشت چەکە قورسەیل ئەو حزبەیلە دریانە دەس پیشمەرگە.
ئەعرەجی لە چەوپیکەفتنیگ تایبەت وەرد تەلەفزیۆن فەرمی ئیران وت: ٧٧ بارەگای ئۆپۆزسیۆن کورد ئیرانی بەسایمن، و ئەو بارەگایلە دریانە دەس فەرماندەیی پاسەوان سنووری.
وتیش؛ ئەندامەیل ئەو گرووپەیلە خریانە ناو ٦ کەمپ، ٤ لە هەولێر و دووان لە سلێمانی، وتیش: ئیسە کار کریەێد وەگەرد نەتەوە یەکگرتگەیل تا لە وڵاتیگ سێیەم داکاسیەن.
ئەعرەجی وتیش: چەکە قورسەیل ئەو حزبەیلە دریانە دەس هیزەیل پیشمەرگە، و دەسخوەشی لە هاوکاریکردن هەرێم کوردستان لەی باوەتە کرد، کە فرە خاس بوی.
لەباوەت ئەو بارەگایلە کە چووڵیان کریا و دریانە دەس هیزەیل پاسەوان سنووری عراق، سڵاکار ئاسایش نیشتمانی وت: ئەو بارەگایلە کە ری نییە پاسەوان سنووری ئەرایان کل بکریەن، و تەواوی تەقیانەو٨تا نموونە رییگ ئەرا قاچاخی هووشبەری، یا شوینیگ ئەرا گردەوبوین بەشیگ لە گرووپەیل چەکدار.
