کەشوهەوای عراق لەی رووژەیل بانانە: وەفر لە باکوور و داوەزیان پلەی گەرمی لە باشوور
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو چوارشەممە، لە ناوچەیل ناوڕاس رووشنە، و لە ناوچەی باشووریش نیمچە ئەورە، لە ناوچەی باکوور ئەور وەگەرد وارانیگ سووک تا مامناوەند کە وا و ئەگەری وەفروارین لە بەشە کویەیلە هەس،و پلەی گەرمی لە ناوچەی لە ناوچەی ناوڕاس و باشوور کەمیگ نزمەو بوود، و لە باکووری وڵات نزیک رووژ وەرجە خوەیە.
وتیش؛ رووژ پەنجشەممە لە ناوچەی ناوڕاس و باشوور رووشنە، لە باکووریش نیمچە ئەورە، پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە رووژ جمعە، لە ناوچەی ناوڕاس نیمچە ئەور تا ئەور و وارانە، و لە ناوچەی باکوور ئەورە وەگەرد واران سووکیگ تا مامناوەند وەگەرۆ تونی وا، لە ناوچەی باشوور نیمچە ئەورە بوودە ئەور و واران، پلەی گەرمی لە بەشەیل ناوڕاس و باشوور کەمیگ داوەزێد، و لە بەش باکوور نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا روو شەممەی ئایندە لە ناوچەی ناوڕاس نیمچە ئەورە، و لە ناوچەی باکوور واران رفتیگ تا مامناوەند، و لە ناوچەی باشوور رووشنە وەگەرد لەکە ئەوریگ، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور و کەمیگ نزمەو بوود، و لە ناوچەی باشوور کەمیگ بەرزەو بوود.
