کەشناسی.. ئەور لە ئاسمان عراق پەڵە دەێد
2023-10-23T08:41:43+00:00
شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە لەی چوار رووژ بانانە بڵاو کرد، و باس واران و بەرزەبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە، لە ناوچەی ناوڕاس و باشوور نیمچە ئەورە وەگەرد وارانیگ جاروبار بەڵاچە دیرێد، و پلەی گەرمی کەمیگ نزمترەو بوود، و لە ناوچەی باکوور نیمچە ئەورە، و پلەی گەرمی نزیک رووژ وەرجە خوەیە.
وتیش: رووژ چوارشەممە، لە ناوچەی ناوڕاس رووشنە و پلەی کەمیگ بەرزەو بوود، و لە ناوچەی باکوور نیمچە ئەورە، و پلەی گەرمی کەمیگ داوەزێد، و لە ناوچەی باشوور نیمچە ئەورە وەگەرد واران و بەڵاچە، و پلەی گەرمی کەمیگ نزمترەو بوود.
دیاری کرد کە رووژ پەنجشەممە گ، لە ناوچەی ناوڕاس رووشنە و پلەی گەرمی نزیک رووژ وەرجە خوەیە، و لە ناوچەی باکوور رووشنە وەگەرد لەکە ئەوریگ، و پلەی گەرمی کەمیگ بەرزەو بوود، و لە ناوچەی باشوور رووشنە و پلەی گەرمی کەمیگ بەرزەو بوود.
بەیانامەگە وتیش: کەشوهەوای وڵاتەگە ئەرا رووژ جمعەی ئایندە، لە ناوچەی ناوڕاس و باکوور ئاسمان رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە، و لە ناوچەی باشوور رووشنە و پلەی گەرمی کەمیگ نزمترەو بوود.
