کەشناسی عراق کەشوهەوای رووژەیل بانان ئاشکەراکرد و مەزەنەی بەرزەوبوین پلەی گەرمی کەێد
2023-12-14T13:02:47+00:00
شەفەق نیوز/ دەسەی کەشناسی عراق، ئمڕوو پنجشەممە، مەزەنەیل کەشوهەوای چەن رووژ بانان راگەیان، دیاریکرد پلەی گەرمی بەرزەوبوود.
دەسەگە لە بەیانامەیگ راگەیان " کەشوهەوای سوو جومعە ئەورە لەناوچەیل ناوڕاس و باشوور، پلەی گەرمی نزیکە لە رووژیگ وەرجە خوەی، باوجی لە ناوچەیل باکوور ئاسمان ساماڵ و نیمەئەورە و پلەی گەرمی کەمیگ لە رووژ گوزەشتە بەرزترەوبوود".
وتیش "کەشوهەوای سوو شەممە وە گشتی لە وڵاتەگە ساماڵە و پلەی گەرمی بەشەیل ناوڕاس و باشوور نزیکە لە رووژیگ ورجە خوەی لە باکوور وڵاتەگە کەمیگ بەرزەوبوود".
دەسەگە ئاشکەرایکرد "رووژ یەکشەممە، لە ناوڕاس و باشوور ساماڵە، لەناوچەیل باکوور ئاسمان ساماڵ و لەکە ئەورە، و پلەی گەرمی لە ناوچەیل ناوڕاس بەرزەوبوود، لە باشوور و باکوور لە رووژ وەرین نزیکە"..
