کەشناسی عراق.. تا سوو وارانە
دەسەگە لە بەیاننامەیگ رەسیە ئاژانس شەفەق نیوز وت: سوو یەکشەممە، لە ناوچەی ناوڕاس ئەورە وەگەرد وارانەیلیگ جیاجیا تا نیمەڕوو مینێد، و لە ناوچەی باکوور نیمچە ئەورە و رووشنەو بوود، و لە ناوچەی باشوور ئەورە وەگەرد نمە وارانیگ و ئەور و تریشقە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە و لە ناوچەی باشوور چەن پلەیگ نزمەو بوود.
وتیش؛ رووژ دووشەممە، لە گشت ناوچەیل وڵاتەگە رووشنە وەگەرد لەکە ئەوریگ، و پلەی گەرمی چەن پلەیگ بەرزەو بوود.
دیاری کرد کە رووژ سێشەممە، لە گشت ناوچەیل وڵاتەگە نیمچە ئەورە، و پلەی گەرمی لە بەشەیل باکوور و ناوڕاس نزیک رووژ وەرجە خوەیە، و لە بەش باشوور کەمیگ بەرزەو بوود.
دەسەگە وتیش: کەشوهەوای وڵاتەگە ئەرا رووژ چوارشەممەی ئایندە ئەورە وەگەرد واران سووکیگ لە بەشەیل خوەرئاوای، و جاروباریش گشت ناوچەیل وڵاتەگە گرێدەو، و پلەی گەرمی لە بەشەیل ناوڕاس و باشوور کەمیگ بەرزەو بوود، و لە بەش باکوور نزیک رووژ وەرجە خوەیە.
