پشتگووخستن رەسێدە پڕۆژەی گرنگیگ لەناوبەین دیالە و سەڵاحەدین
شەفەق نیوز/ هاووڵاتییەیل یە ساڵەیل درویژیگە داد لەدەس پشتگووشخستن پڕوژەی "پیەڵ بانئاوی سندیە" کەن ک دیالە و سەڵاحەدین وەیەکەو بەسێد.
پیەڵەگە وەلایەن هیزەیل ئەمریکا لە ساڵ ٢٠٠٣ نوو کریا تا ئامیرەیل جەنگیی وەبانی رەد بوو و رەدبوین کاروانەیلی لەناوبەین پارێزگایل ئاسان بکەێد، ک تاکە رییگە ماشینەیل وەنۆڕە وەبانی رەد بوون، و بار فرەیگیش هەڵنیەگرێد، و بەش بارهەڵگر و ئامیر سەنگینیش نیەکەێد.
هانی غازی وەڕیەوبەر ریوبان وپیەڵەیل دیالە ئەرا ئاژانس شەفەق نیوز ئویشێد: لە ساڵ ٢٠٢٢ دەسکریا کار لەی پیەڵە و چشتیگ لەلی تەواو نەوی، ک هیشت واز لە کارەگە بارێد، وتیش: درویژی پێەڵەگە ٣٣٦ مەترە، و خەرجەگەی رەسێدە ٥ ملیار دینار.
موڕاد دولەیمی پسپۆڕ ئابووری وەرپرسایەتی خستە بان حکومەتەیل پشتاوپشت لە دیالە، ک گرنگترین پیەڵ گرنگ لەناوبەین پارێزگایل ناوڕاس و خوەرئاوا و باکوور وەیەکەو بەسێد یە ٢٠ ساڵە پشتگووش خریاس، وپرسیار کرد، ئایا مەعقوولە پیەڵ نیمچە ئاسانیگ وە ٢٠ ساڵ تەواو نەوود؟
دولەیمی لە قسەیلی ئەرا ئاژانس شەفەق نیوز داوای وازکردن لێکۆڵینەوەی گشتگیریگ ئەرا هوکارەیل پەککەوتنی پیەڵەگە وەگەرد حکومەتەیل پشتاوپشت لە دیالە کرد، و دەسکردن وە پروژەی نوویگ وە شیوەی هونەری بەرزیگ، لەوەر گرنگی پیەڵ سندیە لە کەرت بازرگانی و گەشتیاری ئاینی.
جی باسە ک رژیم وەرین لە ساڵ ٢٠٠٢ دەسکردە دروسکردن پیەڵیگ کۆنکرێت لەجیای ئەو پیەڵ بانئاویە، باوجی رمیان رژیم وەرین و ژاوەژاو سیاسی و ئەمنی تەواوکردن ئەو پرووژە خستە دویا.
