شاوه‌یس و مالكی جه‌نگ دژه داعش و بارودوخ ئاواره‌یل وه‌ل كوبیش باسكردن
جێگر سه‌روك وه‌زیره‌یل له دیداره‌گه زیاتر وتگه: سه‌قامگیری و سازان سیاسی ، سه‌قامگیری ئه‌منی وه‌دی ئه‌ێه‌رێ ، له‌وه‌ر ئه‌وه‌گ مترسی داعش و ڕێكخراوه ترۆریستیه‌گان نیاز وه‌ئه‌وه دێرێ ك گشت لاێه‌نه‌یل ڕزه‌یلیان یه‌ك بخه‌ن و پشتگیری هێزه ئه‌منیه‌گان بكه‌ن و هێزه‌یل هاوپه‌یمان ناوده‌وڵه‌تییش پشتگیری سه‌ربازی و ئنسانی بكه‌ن.
شاوه‌یس نه‌خش نه‌ته‌وه‌یل یه‌كگرتگ له كومه‌ك و هاوكاری كردن ئاواره‌یل و هه‌ماهه‌نگی كردن وه‌ل كومه‌ڵگاێ ناوده‌وڵه‌تى ئه‌ڕا فه‌راهه‌م كردن نیازه‌یل ئنسانی ئاواره‌یل به‌رز نرخاند.
له به‌شێگتر دیداره‌گه ، هه‌ردولا په‌یوه‌ندی هه‌رێمی عراق له‌یه‌كه‌و دان و شاوه‌یس ته‌ئكید كرد ، عراق وه‌ته‌ماس په‌یوه‌ندی هاوسه‌نگێگ وه‌ل سه‌رجه‌م وڵاته‌یل هاوسا و ناوچه‌گه له بان بنه‌واێ هاوبه‌ش و ڕێز گردن له سه‌روه‌ری داشتوود.
نوێسینگه‌ێ نوری مالكی جێگر سه‌روك كوماریش وه‌ده‌ركردن به‌یاننامه‌ێگ وكل كردن كوپیێگێ ئه‌را شه‌فه‌ق نیوز باس ئه‌وه كردگه ك مالكی و كوبیش دویایین گوڕانكاریه‌یل سیاسی و ئه‌منی و ڕه‌نج و مه‌ینه‌تی ئاواره‌یل وڵات له‌یه‌كه‌ودانه و بیجگه ئه‌وه‌یش چه‌ندین پرس هه‌رێمی و ناوده‌وڵه‌تی له‌وانه‌یش قه‌یران سوریه و یه‌مه‌ن و هه‌ڵویسته‌یل نزیك ناونی عراق و یو ئین خستنه‌سه وه‌ر باس و له‌یه‌كه‌وداین.
مالكی ته‌ئكید له بان زه‌روره‌ت پشتگیری كردن عراق له جه‌نگ دژه ترور و پشتگیری كردن كومه‌ڵگاێ ناوده‌وڵه‌تی له ئاواره‌یل جه‌نگ و فه‌راهه‌م كردن نیازه‌یل زه‌روری كردگه.
به‌یاننامه‌گه زیاتر ئه‌ێوژێ عراق ئاماده‌ی هاوكاری وه‌ل ڕێكخراوه‌یل ناوده‌وڵه‌تیه ئه‌ڕا وه‌ده‌س هاوردن پشتگیری سیاسى و نواگردن له دخاڵه‌ته‌یل بێگانه له كاروبار عراق.
له‌لاێ خوه‌یه‌وه ، نوێنه‌ر تایبه‌ت ئه‌میندار گشتی نه‌ته‌وه‌یل یه‌كگرتگ له عراق له بان مكوڕ بوێن یو ئێن له بان كومه‌ك كردن عراق ته‌ئكید كردگه.
وه‌یه‌یش ئشاره كردگه ك له دانیشتنه‌یل ئه‌نجومه‌ن ئاسایش و نه‌ته‌وه‌یل یه‌كگرتگ و دیدار و دانیشتنه‌گانی وه‌ل نوێنه‌ر وڵاته‌یل جه‌هان له نیویورك ، باس ڕاسیه‌یل ڕویداگه‌یل عراق و پێشهاته ئه‌منیه‌گان و جه‌نگ هێزه‌یل عراقی دژ وه داعش كردگه.
