سەرۆک هەرێم کوردستان وەگەردیان.. جام جەهانی چوار سەرۆکایەتی عراق لە قەتەر یەکانگیر کەێد

ئاژانس قەتەر لە خەوەر کوڵبڕیگ وت: سودانی شەوەکی ئمڕوو رەسیە دۆحە ئەرا ئامادەبوین لە بازی کۆتایی پاڵەوانی جامی جەهانی، ک ئیوارەی ئمڕوو لە یاریگای لوسیل وەڕیەو چوود.

وەرجەیە، نێچیروان بارزانی سەرۆک هەرێم کوردستان، وە جیوەجیکردن مکیسیگ فەرمی وەلایەن شێخ تمیم بین حەمەد ئال سانی، رەسیە قەتەر.

 سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی لە سەردانەگەی ئەرا قەتەر، وەگەرد شمارەیگ لە ریبەر و سەرکردەیل جەهان، لە بازی تووپان کۆتایی جام جەهانی ئامادە بوود.

جی باسە ک محمد حەلبوسی سەرۆک پەرلەمان عراقیش لە مانگ گوزەشتە ئەرا ئامادەبوبن لە بازیەیل جام جەهانی رەسیە قەتەر.

وینەیلیگ کەفتنە دەس ئاژانس شەفەق نیوز، مشان فائق زەیدان سەرۆک دادوەری باڵای عراق دان، ک لەشان محمد حەلبوسی لە تەماشای بازی کرواتیا و مەغریب نیشتوێد.