سەرەڕای بەرزەوبوین نرخ نەفت جەهانی... داوەزیان نرخ نەفت خام بەسڕە

شەفەق نیوز/ نرخ خام قورس و ناوڕاس بەسڕە، ئمڕوو پەنجشەممە، داوەزیا هەرچەنە نرخ نەفت جەهانی بەرزەوبوی.

نرخ نەفت خام قورس بەسڕە بڕ  1.65 دۆلار داوەزیا، رەسیە ئەرا  73.13 دۆلار، نرخ نەفت خام ناوڕاس بڕ  1.65 داوەزیا و رەسیە  76.33 دۆلار.

نرخ نەفت خام جەهانی بەرزەوی لەوەر رخ لە ئەگەرەسل بڕیان بەرهەمهاوردن لە وەرهەڵات ناوڕاس وەرد پیلان ئیسرائیل ئەرا پەلامارداین ئیران و بەرزەوبوین داواکاری لەبان سزەمەنی وەرد رویدان زریان گەپیگ لە فلۆریدا.