سەدان لە دیالە لەوەر ئاڵشت کردن پارێزگاگەیان ئەرا ئاواییگ خۆپیشاندان کەن
شەفەق نیوز/ سەدان لە خەڵک دیالە، ئمڕوو یەکشەممە، لە وەردەم بینای پارێزگاگە لە ناوڕاس بەعقوبە خۆپبشاندان کردن، و داوای لاوردن پارێزگارەگە کردن و شەرمەزار خراوی خزمەتگوزاریەگان و بڵاوبوین گەندەڵی لە فەرمانگە و دامەزراوە حکومەتیەگان کردن.
پەیامنێر ئاژانس شەفەق نیوز وت: خۆپیشاندانەرەگان دروشمەیل داواکردن لاوردن پارێزگارەگە و خاسەوکردن خزمەتگوزارییە خراوەگان و سزادان گەندەڵەیل بەرزەو کردن.
ماهر سەعدی، یەکیگە لە خۆپیشاندەرەگان، وت: شار و ناوچگان دیالە بوینەسە ئاوای، لەوەر وەپشتگووش خستن خزمەتگوزاری و گەندەڵی و نەوین پڕۆژەیلیگ خزمەتگوزاری گرنگ.
وتیش: دیالە داوای دەسوەردان سەرۆک وەزیران کەێد و دروسکردن شانەی قەیران زوینەیگ ئەرا چارەسەرکەردن گرفتە خزمەتگوزارییەگان لە گشت پارێزگاگە، و دووارە نووڕستن لە فرەی وەڕێۆبەرەیل فەرمانگەگان ک لە ئەرکەیل خوەیان شکست هاوردن، وهەمیش دویرەوخستن ململانە سیاسیەگان لە بەرژەوەندی هاووڵاتییەیل.
