سوپای عراقی دوو تیرۆرست و سێ بازرگان مادەی هووشبەر لە بەغداد دەسگیرکەێد
2024-08-29T13:07:33+00:00
شەفەق نیوز/ وەزارەت وەرگیری شارستانی عراق، ئمڕوو پەنجشەممە، راگەیان هەواڵگێری و ئاسایش سووپا دوو تیرۆرست و سێ بازرگان مادەی هووشبەر دەسگیرکردن.
لە بەیاننامەیگ رەسیە ئاژانس شەفەق نیوز راگەیان، مەفرەزەیل وەڕێوەبەرایەتی هەواڵگێری و ئاسایش بەغداد توەنستن دوو تیرۆرست لە ناوەن قەزای تارمیە دەسگیربکەن، وەپای بڕگە مادەی (٤) لە یاسای دژەتیرۆر فەرمان دەسگیرکردنیان دەرچگە، دەسکریاس وە رێکارەیل یاسایی وەرانوەریان و ئەرا دادگا کلکریانە.
هەمیش، مەفرەزەیل وەڕێوەبەرایەتیەگە سێ بازرگان و بڵاوکەر مادەی هووشبەر لە بەغدای پایتەخت دەسگیرکردن، مادە هووشبەرەیل جیاواز وەپیان بویە وەگەرد کەرەستەیل کیشان، وەپای مادەی (٢٨) مادەی هووشبەر فەرمان گردنیان دەرکریاس.
