سه‌ڵاحه‌دين له رووژه‌يل جه‌ژن پشت وه قه‌يه‌غه‌ى نيمچه‌يى به‌سێد
شه‌فه‌ق نيوز/ پاريزگاى سه‌ڵاحه‌دين، ئاشكراى مه‌ندنه‌وه كرد له‌بان رێ وشوونه‌يل قه‌يه‌غه‌ى نيمچه‌يى له ماوه‌ى رووژه‌يل جه‌ژن ره‌مه‌زان پيرووز.
له‌ى باوه‌ته‌و، جه‌مال عگاب دلێمى قسه‌كه‌ر وه‌ناو پاريزگاگه ئه‌را ئاژانس شه‌فه‌ق نيوز وت: پاريزگاگه له رووژه‌يل جه‌ژن ره‌مه‌زان مينێده بان قه‌يه‌غه‌ى نيمچه‌يى، له سه‌عات په‌نج ئيواره تا سه‌عات په‌نج شه‌وه‌كى و وه‌هه‌مان ميكانيزم ك له‌لايه‌ن شانه‌ى قه‌يران ناوچه‌ييه‌و ئه‌را روێ وه‌ڕوێ بوينه‌وه‌ى ڤايرۆس كۆرۆنا بڕيار دريا.
جى باسه، دلێمى هه‌ميش وت: رێ وشوونه‌يل قه‌يه‌غه‌ى هاتوچوو و شيواز قه‌يه‌غه‌گه ئاڵشت ئه‌دێ له حاڵه‌تيگ ئه‌گه‌ر هه‌ر رويداگيگ بكه‌فێده‌و، باس له‌وه‌يش كرد سه‌ڵاحه‌دين له رێ وه‌ڕوێ بوينه‌وه‌ى كۆرۆنا سه‌ركه‌فتگ بويه‌و ته‌نيا چه‌ن حاڵه‌تيگ دياريكرياگ ئه‌را كه‌سه‌يل هاتگ وه‌ره‌و پاريزگاگه تۆمار كريانه.
