زیقار.. ٩ زەخمدار لە ململانەیلیگ و تەقەلای کوشتنیگ
2021-03-24T09:59:23+00:00
شەفەق نیوز/ سەرچەوەیگ خۆجێیی لە زیقار، ئمڕوو چوارشەممە، خەوەردا لە کەفتن ٨ زەخمدار لە مرافەیلیگ و ململانەیلیگ هووزانە، و تەقەلای کوشتنیگ لە ناوچەیلیگ جووراجور لە پارێزگاگە.
سەرچەوەگە ئەرا ئاژانس شەفەق نیوز وت: پارێزگاگە چەن مرافەیگ و ململانەیگ هووزانە و تەقەلای کوشتن یەکیگ لە ئەندامە ئەمنیەکان وەخوەی دی، تا کۆتایی وە زەخمداربوین ٨ هاووڵاتی هاورد.
سەرچەوەگە دیاری کرد ک ناوچەی سایح لە خوەرئاوای شار ناسریە ململانەیلیگ هووزانە لەوەر ناکۆکیەیلیگ وەرین وەخوەی دی، وە کەفتن یەک زەخمدار تەواو بوی.
وتیش؛ لە قەزای شەترە لە باکوور پارێزگای زیقار، تەقەلای کوشتن پۆلیسیگ وەخوەی دی تا پای زەخمدار کریا، وتیش؛ مرافەیگ تر لە خود قەزاگە بوی، وە کەفتن ٦ زەخمدار کۆتایی هاورد، سێیان لەلیان وە چەک چەرمگ زەخمدار بوین.
