زیقار .. کابرایگ مامەی خوەی کوشێد و دانیشتن سەرخوەشەیل چوودە خوینی گەنجیگ

سەرچەوەگە ئەرا ئاژانس شەفەق نیوز وت: (عەدنان عومران حەمید) لە داڵگبوی ساڵ ١٩٧٢ کاسپکاری کەێد لە قەزای قەلعە- ناحیەی فەجر/ ناوچەی حەی شەراد، وە گولەی دەوانچەی ٩ ملم دریا لە سینەی و کوشیا.

وەگورەی قسەی سەرچەوەگە، تەرمەگە ئەرا پزشک دادوەری بریا، و وەگورەی قسەی براگەی، بکوشەگە (ع.م.ع) برازای خوەیانە، ک لەبان پارچە زەوییگ مامەی لەلای ماڵەگەی کوشتیە و وەرەو شوین نادیاریگ وایە.

هەرلیوا، سەرچەوەیگتر ئەرا ئاژانس شەفەق نیوز وت: گەنجیگ لەناو تەمەن بیس ساڵان وەدەس برادەری لە قەزای نەسر باکوور پارێزگای زیقار کوشیا، ئەوەیش لە ئەنجام هەنەکی لە دانیشتن سەرخوەشەیل ناوبەین سێ برادەر.

سەرچەوەگە دیاری کرد ک دەزگایل ئەمنی تاوانکارەگە دەسگیر کردن، و ئاشکرای تاوان خوەی کرد، و تەرمەگە ئەرا پزشک دادوەری بریا.