زەخمدارەگە لە تەقینەوەی ماتۆڕسکڵەگە تەقەلای وایین دەێد
![زەخمدارەگە لە تەقینەوەی ماتۆڕسکڵەگە تەقەلای وایین دەێد](https://arcellabucket.fra1.cdn.digitaloceanspaces.com/media/arcella/1616502223215.jpg)
شەفەق نیوز/ سەرچەوەیگ ئەمنی وەرپرس، ئمڕوو سێشەممە، خەوەردا ک ئەو کەسە ک لە تەقینەوەی ماتۆڕسکڵەگە لە خوەرهەڵات بەغداد پایتەخت زەخمدار بوی، تەقەلای وایین لە خەسەخانەگە دا، بەڵکم هێزە ئەمنیەکان نوای گردن.
سەرچەوەگە ئەرا ئاژانس شەفەق نیوز وت: رانندەی ماتۆڕسکڵەگە دالە ماشینیگ مارکەی جێب، ک بویە هووکار قەڵبەوبوین ماتۆڕسکڵەگە و گیچەڵیگ لەو تەقەمەنیەلە ک باریان کردگە، تا وەکوتپڕ تەقینەو. و دیاری کرد م تەقینەوەگە بویە هووکار کوشتن رانندەگە، و زەخمداربوین کەسیگ وەگەردی.
ودیاری کرد ک زەخمەیلی فرە سووک بوین، و هێزە ئەمنیەکان گیری هاوردن، و ئاماژە کرد ک زەخمدارەگە تەقەلای دەرچگن لە خەسەخانەگە دا، و بویە مرافەیگ وەگەرد هێزە ئەمنیەکان، ک نوای گردن و چەوەڕی هەڵوێست لایەنە باڵاکان کەن.