زەخمداربۊن دوو خوەینیشاندەر لە ناڕەزایەتییەیل زیقار لەبان بەدی کارەبا (ڤیدیۆ)
شەفەق نیوز- زیقار
پەیامنێر ئاژانس شەفەق نیوز لە پارێزگای زیقار، ئمڕوو یەکشەممە، خەوەردا لە زەخمداربۊن دوو خوەینیشاندەر، لەو ناڕەزایەتییەیلە کە قەزای فوهوود وە مدوو گەنی کارەبا وەخوەی دی.
پەیامنێرەگە وت کە دوو خوەینیشاندەر زەخمدار بۊن، لە ئەنجام بڵاوکردن خوەینیشاندانەگە لەلایەن هیزەیل ئەمنییەو.
وقەزای فوهوود، خوەرهەڵات پارێزگای زیقار لە باشوور عراق، شەوەکی ئمڕوو، خوەینیشاندانەیل ناڕەزایەتی وەخوەی دی لەبان گەنی تەوژم کارەبایی، کە بڕین شمارەیگ لە ریوبانەیل وە تایەر سزیاگ لەناوی بۊ.
پەیامنێر ئاژانس شەفەق نیوز وت کە ئەو خوەینیشاندانەیلە کە وە "تون" وەسف کریان بڕین ریەیل بۊ وە وەکارهاوردن تایەر سزیاگ وەخوەیان دین، جویر ناڕەزایەتییگ لەبان خراوی دابینکردن کارەبا، لەناو داواکارییەیل ئەرا لاوەردن وەڕێوەبەر کارەبای زیقار.
دیاری کرد کە خوەینیشاندەرەیل داوای لاوەردن وەڕێوەبەر کارەبای زیقار محمد روێزی کردن.
