کەرکوک...باوگیگ تەقە لە کوڕەگەی کەێد و پۆلیس گەنجیگ لە خنکیان قورتارکەێد
2024-06-24T09:16:58+00:00
شەفەق نیوز/ سەرچەوەیگ پزیشکی لە کەرکوک، ئمڕوو دووشەممە، خەوەردا باوگیگ کوڕەگەی وە سێ گولە زەخمدارکردیە، و پۆلیس توەنستیە ژیان کوڕیگ خنکیای قورتاربکەێد لەناو پرۆژە ئاویگ لە باشوور خوەرئاوای پارێزگاگە.
سەرچەوەگە ئەرا ئاژانس شەفەق نیوز ئاشکەرایکد، گەنجیگ بریا ئەرا خەسخانە کە تەمەنی 20 ساڵانە و وە سێ گولە زەخمدار کریاس لەناوچەی سینگی، دیاریکرد رویداوەگە لە مەوقەی وردەوردە وەگەرد باوگی رویداس لەناو ماڵیان لە کوچەی شۆرجە لە باکوور کەرکوک.
وتیش، پۆلیس هاتیەسە ناو و زەمدارەگە ئەرا خەستەخانەی ئازادی کلکردیە لەدویای پەوەگ کە لە رویداوەگە ەوەردارکریا، و ئینگە گەنجەگە تەندروسی ناجیگیرە.
سەرچەوەگە دووپاتکرد ، ئەندامەیل پۆلیس فریاکەفتن قەزای حەویجە توەنستیە گەنیگ قورتاربکەێد کە تەقەلای مەلەکردن لەناو پرۆژە ئاویگ لە نزیک حەویجە دایە، و نوقوم بویە پۆلیس باز وەناو ئاوەگە دایەو وە سەرکەفتی دراوردیەسێ، و ئەرا چارەسەرکردن کلکریاسە خەستەخانە.
